O bordo thaj o sheruthno
Ande o Kulturrådet si jekh bordo savo si alome pherdal o regeringo haj ande lesko vas si interego o gazdipe la buchako. O sheruthno (generalno direktoro), Kennet Johansson si o gazda pe o departamento thaj ande leske vast si o gadzipe pe le interegone vramako phiripe la buchako. Karing le oxto manush kerren buchi ando sekretaro kaj tordjol ando Filmhuset po Gårdet ando Stockholmo.
Kodola rodimatha ande politika kulturaki
O grundo kaj adjesuthni politika si kodola nationalni rodimatha save le Svedosko Parlamento alosardas pe e politika kulturaki. E kultura si te avel buthe mujengi, zumadi thaj bi phangli zor te penel pesko ande o grundo. Savorren si te avel shajipe te len hasna ande kulturako trajo. Le neve bucha, le buth muja thaj o artisticko zhanipe si te avel vazhno pe o vazdipe le manushengo.
Love pe kultura ande interego them
Jekh vazhno buchi ande Kulturådetoski buchi si te hulavel le zhutimaske love. O Kulturrådet huladas 1, 7 milijardi koroni ande o bersh 2009. O Kulturrådet del lovesko zhutipe kaj le instituciji, organizaciji thaj gruppenge kaj si korkori peske. E decizijia pa le love lelpe le zhutimasa kathar le buchake thaj le referencoske gruppura. Sa kethanes, 120 skiritora, makitora, djilabitora, muzikantura, sicharitora, roditora, thaj maj buth, kaj dikhen pherdal le applikaciji kaj roden le lovengo zhutipe. O Kulturrådet ashel lasho pe karing 40 kothora pe le lovengo zhutipe haj del o zhutipe pe sa de kathar kevnjenge titlura zhi kaj le ternenge projektura pel muzelmura zhi kaj le zezpolura khelimaske thaj khelimaske zezpolura akharde kavere themendar.
Lovengo zhutipe kaj le nationalni minoritetura
O Kulturrådet del lovengo zhutipe pe le sakone bersheske bucha haj pe le projektura te shaj vazdelpe le nationalni minoritetongi shib thaj lengi kultura. Kodola panzh gruppura save kerren le nationalni minoritetura ando Svedo si le Samura, Svedicka Finlanderura, Tornedalura, le Rom/Roma thaj le Zhidovura. Le minoritetoske shiba si Zhidovicko, Romanes/Romani, Samicko, Finlandericko, thaj Meankelicko, Tornedalfinlandericko. Föreningura, organizaciji, instituticiji vaj kaver saven si organizaciako nummero shaj roden le lovengo zhutipe. Thela o bersh 2009 huladjile sa po sa 7 miljioni koroni ande o zhutipe kaj le nationalni minoritetongi shib thaj kultura. Ande kadala karing 5 miljionura sas dine kaj Tornedalsteatern, Sverigefinska biblioteket ando Stockholmo, Judiska biblioteket ando Stockholmo thaj pe le teatroski bucha pe le Finlanderickone shibathe pe o Uusi teatteri/Nya finska teatern, save denpe pala le Kulturrådetosko reglovo lil.
Projektoske love pe le nationalni minoritetura
Pasha kadal buchake love del o Kulturrådet projektoske love pel projektura phangle kaj le nationalni minoritetongi shib thaj kultura, Zhutipe buchake thaj projektonge kaj si phangle kaj le nationalni minoritetura shaj vi phandenpe kaj kaver zhutimatha kathar o Kulturrådet phangle buchande thaj projektonde ande zutmiaske lovengi than savo ilij.
O Kulturrådet maj sigo shuvel pesko zhutipe pe kodo so zurarel le nationalni minoritetongi kulturaki struktura thaj vi pe le shavorrenge thaj ternjimathenge bucha. Le projektoske mishtoj kana si jekh kothor lovesko zhutipe kavere thanestar, sar na primer kathar e kommuna vaj o landstingo. E applikacia pherrelpe pe Svedicko shib pe le Kulturrådetoski internetoski rig. E decizija lelpe kathar le Kulturrådetosko gazda pala jekh lashi vorba kodoleske dino kathar jekh referencoski gruppa pe le nationalni minoritetongi shib, kultura thaj skiripe.
Ginav maj buth pa le lovengo zhutipe kaj le nationalni minoritetura (pe Svedicko shib)
Lovengo zhutipe kaj le nationalni minoritetongo ramope
O Kulturrådet del lovengo zhutipe te denpe avri nationalni minoritetonge skirimatha sar kevnji thaj te vazdelpe te den avri kodo materijalo thaj lengo phirajipe, kathar le nationalni minoritetongo skiripe thaj lenge kulturake gazzeti. Le skirimasko zhutipe shaj rodelpe pherdal jekh kevnjengi firma so del avri o skiripe vaj kaver dinitori ande o Svedo saves si organizaciako nummero, vaj buchazij ando Svedo sar Samicko organizacia kaj kerrel kodi buchi te del avri kevnji pe Samicko shib ande firmatha kaj si ando Finlando vaj Norvego. Zhutipe kaj le nationalni minoritetonge kulturake gazzeti delpe ande o normalno zhutipe te kerrdjonpe le kulturake gazzeti.
Ginav maj buth pa le lovengo zhutipe kaj le nationalni minoritetongo skiripe (pe Svedicko shib)
Sa kodola chachimatha thaj shajimatha
O dikhipe pe o jekhipe mashar le mursh thaj le zhuvlja si jekh bari buchi le Kulturrådetoske thaj intergo kulturako trajo. Kusa o hulajmos le lovengo o Kulturrådet si te dikhel pe kodo ke le zhuvlja thaj le murshes si dine sa kodola shajimatha thaj chachimatha te lel hasna kathar le lovengo zhutipe te avel barvalo le kulturaki vorba.
Aresipe kaj e kulturako trajo
O Kulturrådet lel pe peste te del aresipe savorrende pe e kultura. Ande kado zhal andre o zutipe, te shuven kethanes thaj te ingeren le kulturako trajo te lel pes peste e buchi te areselpe o suno ande le invalidongi politika. Si buthesa maj buth so shaj lasharelpe te avel le kulturako trajo areslo maj buthendar.
Jekh panzhto kothor anda le manush
Le shavorra thaj le terne si karing jekh panzhto kothor anda le manush thaj o rodipe si te shaj sa le shavorra thaj le terna te aresen e kultura thaj te al len o shajipe te vazden les korkori. O makipe thaj e kultura del le shavorren parchipe ande o trajo thaj del hacharipe ande luma krujales lende, Le Kulturrådetosko rodipe si te avel jekh dikhipe le shavorrengo ande sa le kothora la buchaki. O dikhipe le shavorrengo si te avel ande e vorba kodolenge so roden le lovengo zhutipe, ande o kidipe le statistikako thaj o kidipe le zhanimasko. O Kulturrådet lel parcha ande le netverkura, semanarrura, thaj konferenciji save phangle si kaj e vorba pal shavorra thaj le ternengi kultura thaj del zhutipe kaj o rodipe pe le shavorrengi thaj le ternengi kultura.
Kultura avral e granijici
Internationalni kontaktura thaj buchake koljegura si jekh lashipe pe jekh buthe mujengi kulturaki vorba. O Kulturrrådet kerrel buchi kusa strategia thaj pherdal lovengo zhutipe te zurarel o internationalno kethanipe, sa kade ando EU sar avral leste. Sar jekh kothor anda le internationalni bucha o Kulturrådet shuvel peski sama thaj del informacia pa le EUoski politika thaj buchi ande kulturaki rig. Sa po sa, o Kulturrådet das karing panzh miljionura korono neki kaj o internationalno thaj interkulturalno buchi thela o bersh 2008, anda savende 8 miljionura gele pe e internationalno buchi pe o skiripe.
Kontakto
Statens kulturråd
Box 27215
102 53 Stockholm
Telefono: 08-519 264 00
Faxo: 08-519 264 99
E-post: kulturradet@kulturradet.se
Te aves amende: Filmhuset, Borgvägen 1
Putherdoj: måndag-fredag kl. 08.30-16.30