Buresboahtin Kulturrådet (Stáhta Kulturráđđi) – dás mii muitalit eambbo min doaimmaid birra

Buohkat galget máhttit oasálastit dáidagis ja kultuvrras mas lea alla dássi. Dat lea vuođđu min bargui stáhta eiseváldin. Barggu vuođđu lea našunála kulturpolitihkalaš ulbmil man riikkabeaivi lea mearridan.

Ulbmiliin daddjo ahte: ”Kultuvra galgá lea dynámalaš, hástaleaddji ja iešheanalaš vuoibmi mas friddjavuohta ságastit lea vuođđu. Buohkain galgá leat vejolašvuohta oasálastit kultureallimis. Kreativiteahta, girjáivuohta ja dáiddalaš dássi galget váikkuhit servodaga ovdáneapmái”.

Min juolludemiid ja eará doaimmaid bokte mii lea oassin dasa ahte kulturpolitihkalaš ulbmilat ollašuvvet.

Jahkásaččat mii juolludit guokte miljárda ruvnna earret eará:

  • Girjjálašvuhtii, lohkanmovttiidahttimii ja girjerádjosiidda
  • Govva- ja hábmendáidagii ja museaide
  • Musihkkii, teáhterii, dánsumii ja dálá áigásaš sirkusii
  • Hábmejeaddji skuvlii ja kulturskuvlii
  • Našunála unnitloguid kultuvrraide

Badjelaš miljárda ruvnna juolluduvvo Ruoŧa regiovnnaide kulturovttasdoaibmi modealla bokte.

Min doarjagat lea duvdagiin doaimmaide mat ámmátlaččat barget dáidagiin ja kultuvrrain Ruoŧas ja gaskariikkalaččat. Ovdamearkka dihte kulturservviid, organisašuvnnaid, joavkkuid, lágádusaid ja gielddaid váras.

Positiivvalaš fápmu mii galgá gávdnot buohkaid dihte

Kultuvra váikkuha, rievdada ja ovddida ovttaskas olbmuid ja obba servodaga. Dat lea positiivvalaš fápmu mii galgá gávdnot buohkaid váras. Mii háliidit ahte eambbosat galget beassat váldit oasi kultuvrras olles riikkas ja joksat joavkkuid mat odne eai lea olis kultuvrra vásiheamis. Mii háliidit maiddái ráhkadit eavttuid dasa ahte buot olbmuin lea seammá riekti ja vejolašvuohta váikkuhit kultureallimii ja leat oassin das.

Kulturráđis lea sierra bargun ráđđehusas jođihit ovdáneami das ahte buot hbtq- olbmuin, namalassii homoseksuála, biseksuála, trans-olbmuin ja olbmuin geain leat queer bealit ja identiteahttat, leat seamma rievttit ja vejolašvuođat. Earret eará galgat mii čalmmustahttit vealahuvvon norpmaid. Hbtq lea bealli man mii vuoruhit dalle go mii mearridit juolludemiid, muhto dat ii mearkkaš dan ahte visot ohcamušain maid mii doarjut lea hbtq- fokus.

Kulturráđđi lea maiddái sektor ovddasvástideaddji eiseváldi oláhanvuhtii, sierra bargu mis lea jođihit ovdáneami nu láhkái áhte dat šaddá eambbo oláhahtti olbmuide geain leat lihkkanhehttehusat.

Mánáid ja nuoraid riekti kultuvrii

Našunála kulturpolitihkas lea mánáid ja nuoraid riekti kultuvrii vuoruhuvvon. Min bargu lea addit eambbo mánáide ja nuoraide vejolašvuođa váldit oasi kultuvrras ja dáidagis, leat oasálaš hábmemis ja addit sidjiide vejolašvuođa váikkuhit, beroškeahttá gos sii orrut, makkár sosioekonomalaš oktavuođat leat, ležžet go doaibmahehttehusat vai eai, dahje etnisiteahta.

Kulturskuvlaguovddážiin mii ovdamearkka dihte bargat dasa ahte kulturskuvla šaddá eambbo dássásaš ja oláhahtti, nu ahte eambbo mánát oččoše kulturoahpahusa mas lea alla dássi.

Mis leat maiddái lohkanmovttiidahtti bijut mat ollásit dahje muhton muddui leat mánáid ja nuoraid váras. Moadde ovdamearkka leat Bokstart, Barnbokskatalogen ja Läsambassadören.

Oktiibuot manná nuo 60 % min juolludemiin mánáid ja nuoraid doaimmaide.

Mii hálddašit maiddái Girjjálašvuođa bálkkašumi Astrid Lindgren muitun, máilmmi stuorimus mánáid- ja nuoraidgirjjálašvuođa bálkkašupmi, dat juhkkojuvvo oktii jagis.

Dáidda ja kultuvra riikkarájiid rastá

Gaskariikkalaš lonohallan nanusmahttá dáiddalaš ovdáneami ja ráhkada girjáivuođa ja alla dási kulturfálaldagas- sihke Ruoŧas ja olgoriikkas. Diet lea vuođđu min gaskariikkalaš barggus.

Earret earáid leat mis juolludeamit mat dorjot gaskariikkalaš lonohallamiid moanaid dáiddasurggiin, ja doarjja dasa ahte kulturorganisašuvnnat Ruoŧas galget máhttit searvat gaskariikkalaš fierpmádagaide. Hupmanfriddjavuođa ja demokratiseren leat maiddái áššit mat leat min doaimma guovddážis, earret eará mii doarjut friddja orohagaid dáidáriidda mat ohcet suoji Ruoŧas.

Kulturráđi bargu lea ovddidit ahte ruoŧa girjjálašvuohta jorgaluvvo. Swedish Literature Exchange bijus leat ovdamearkkat moanaid juolludemiin maid máhttá ohcat.

Mii maiddái bargat dainna ahte kulturorganisašuvnnat Ruoŧas galget máhttit searvat gaskariikkalaš fierpmádagaide ja jahkásaččat mii juolludit ruđaid gaskariikkalaš fierpmádagaide.

EU:s kulturprográmmas Kreativ Europa ja Unesco 2005- konvenšuvnnas, mii galgá suddjet kultuvrralaš girjáivuođa ja gaskariikkalaš kulturlonohallama, leat mii našunála oktavuođabáiki.

Min webbáikkis máhtát lohkat eambbo min doaimmaid birra ja movt barggat go áiggut ohcat mis doarjaga.