Mišto reslan ka a Kulturako konsiljo – khate phenas majbut pa amari butji

Sa kongodi te šaj lel ek kotor anda o arto taj kultura bare kvalitetosa. Kado si fundamentalno pe amari butji sar themesko rajipe. I butji žal avri khatar o nationelno kulturpolitikako cilo so o parlamento šutas.

O cilo phenel ke: ”I kultura te avel dinamicko, provokativno taj bi phangli zor e slobode avriphendimaske fundamentosa. Sa kongodes te avel šajipe ke hodj te aven ande ando kulturakotrajo. Kreativiteto, butimo taj articko kvaliteto site sikavel e themesko anglegelimo”.

Amare lovengežutorimasa taj avere butjanca keras ke hodj a kulturakapolitikako cilo pherdjol.

Sako berš das avri karing e duj miljardura koroni sar eksemplo:

  • Literaratura, ginimaskožutori taj bibliotekura
  • Patretura - taj formako arto taj muzeumura
  • Muzika, teatro, khelimo taj adjesutno cirkusi
  • Kreativno skola taj kulturakiskola
  • Nationelna minoritetongi kultura

Karing ek miljardo koroni žan ka e regionura ando Švedo pa a kulturaka butjako modeli.

Amaro žutori si ke hodj te žutin kodala aktivitetura so keren butji profesionelt e artosa taj kulturasa ando Švedo taj internationelt. Kadala si eksempel a kulturakekidipe (kulturföreningar) organizaciovura, grupi kenjvengo avridinimo (förlag) taj komunura. 

Ek pozitivno zor so te avel sakoneske

Kultura efekto del, paruvel taj keren avri te kerdjon (utvecklar) e individualna manuša taj o intrego them. Kado si ek pozitivno zor so te avel savorenge. Ame kamas ke hodj majbut žene te avele šajipe ka i kultura ando intrego them taj te resel neve grupen so adjes či lel ek kotor anda i kultura.

A Kulturake konsiljos (Kulturrådet) si ek specialno dinimo khatar o govermento ke hodj te kerel sa jekhikano čačimata, šanci e hbtq-manušenge, e homoseksuelnonge, biseksuela, transmanuša taj žene e queera manifestacijasa taj identitetura. Ame kerasa sar eksempel hodj te dičon e diskriminacovonge normi.

A Kulturako konsiljos si vi ek sektoresko pharodinimasko rajipe ke hodj te avel resutno, eke specielnone pharimasa te kerel kade hodj o kulturnalnotrajo maj feder te resen e manuša kas si funkcionalnopharimasa.

Šavorengo taj ternengo čačimo kaj i kultura

E šavorengo taj ternengo čačimo kaj i kultura si ek prioritetno pušimo andi nationelno kulturaki politika. Amaro pharipe si ke te den e šavoren taj e ternen ek šanca te len ek kotor anda o arto taj kultura, te aven ek rig andi produkciovo taj te den le ek šanca vi von te šaj keren/phenen, bi kodo te dikhen ka bešen, socioekonomicko khetanimo, funktionelnopharipe vadj etniciteto.

A Kulturakaskolcentrumosa keras butji sar eksemplo hodj te keras a kulturakiskola maj jekhutni taj resli, kade hodj majbut šavora taj ternen šaj den le majbut kulturalnositjarimo bare kvalitetosa.

Amen si vi majbut ginimaskožutori so si ek rig vadj sa intrego e šavorenge taj ternenge. Cera eksempli si Kenjvakostarto (Bokstart) Šavorenge kenjvengo katalogo (Barnbokskatalogen) taj Ginajimasko ambasadori (Läsambassadören)

Anda kodala lova so das avri, žal totalno karing e 60 procentura i butji e šavorenca taj ternenca.

Ame vi administralinas o Literaturnopriso a Astrid Lindgenake seromaske, a jumako majbaro šavorikano – taj ternengo literaturnopriso, so den sako berš avri.

Arto – taj kultura perdal pa e themeskegranici

O Internationelna parujimo zurarel e artosko avri gelimo taj kerel butimo taj kvaliteto ando kulturakosortimento -vi ando Švedo taj vi ande avera thema. Kado si amaro avrigelimasko punkto pe amare internationelna butja.

Sar eksemplo si ame lovengo žutori pe internationelno parujimo ande bute artoskethana, taj žutori ke hodj a kulturake organizaciovura ando Švedo šaj aven ande internationelna grupi. Slobodo avriphendimo taj demokraciovo si pušimata so ame šas fokusi, sar eksemplo žutori pe e slobodiforura e artickoneženenge so mangen sama linimo ando Švedo.

A Kulturake konsiljos si pharipe te žutij o švedicko literaturosko tranzleciovo. Ando Swedish Literature Exchange si sar eksemplo majbut feliticka lovengo žutori so šaj mangen.

Ame keras butji vi pe a kulturake organizaciovura ando Švedo te šaj aven ande ando interntationelno grupo taj ulavel avri sako berš love e internationelnone grupake.

Ame sam nationelna kontakponto e EU:voske Kulturprogramo Kreativa Europa taj Unescos 2005 konvenciovo so lel sama o kulturelno butimo taj internationelno kulturakoparujimo.

Pe amaro webplaco šaj gines majbut pa amare butja taj sar keres te manges amendar love.